Marmelo de mazá

Unha marabillosa receita con froita de outono!

Ingredientes:

- 1 kg demazás.

- 500 gr de azucre.

- líquido espesante.

Preparación.

Lávanse as mazás e pelámolas; cortámolas en anacos non moi pequenos e cocémolas nunha pota durante 30-40 minutos xunto co azucre.De vez en cando remexede, lingoretas, ou apegarase.

Logo de cocelas, pásanse pola batidora para eliminar calquera grumiño que quedase, e que teñan unha textura máis fina. 

Por último, botámoslle o líquido espesante, batímolo todo e metémolo en botes previamente esterilizados. E xa temos marmelo para o almorzo. Mmmmm, que rico!

Esterilización dos botes:
Antes de comezar a facer o marmelo, é interesante esterilizar os botes para evitar contaminacións. Ferveremos os botes 10-15 minutos en auga, e despois escurrirémolos ben ata que sequen sen tocar o interior.

Os lingoretas das Chans dámoslle as gracias a Rosana e a súa familia por esta receita tan rica. De seguro que a imos disfrutar.

Día do trompo

O trompo ou peón é un dos xogos mais populares do outono. E como di o refran...polo San Martiño trompos o camiño. Este luns 11 de Novembro o CEIP San Bartolomeu súmase a esta convocatoria e durante o recreo faremos bailar todos aqueles trompos dos alunos e profes que queiran participar.

Agora un pouquiño de historia:




 Deixamosvos tamén un video explicativo para que vaiades practicando esta fin de semana.
http://tv.uvigo.es/gl/video/mm/18476.html



Mirade que dominio!!!

Seredes capaces? O luns comprobámolo!!

Corre, corre, cabaciña

E falando de outono e de cabazas, mirade que conto máis chulo atopamos na rede! Que bonito, verdade?

Receitas de outono

Que ben que xa chegou o outono! Pero de seguro que con este tempiño de chuvia non sempre podemos sair xogar fora. Velaiquí unha idea para poñer en práctica e que de seguro que vai gustar a toda a familia. Fagamos de cociñeiros! Ollo, sempre coa supervisión dos papás, os tíos, os avós...

Chulas de cabaza

Ingredientes (para 8 persoas)

• 250 gr de puré de cabaza
• 2 ovos
• 30 gr de azucre
• Unha chisquiña de canela
• 50 gr de fariña
• 1/4 de culleriña de levadura Royal
• Azucre glasé para espolvorear (se non temos, serve o azucre normal)
• Aceite de xirasol para a fritura.

Preparación

Asamos ou cocemos a cabaza, como prefiramos, aínda que asada solta menos auga. Unha vez teñamos o puré de cabaza listo, misturámolo cos ovos batidos, o azucre e o chisco de canela. Engadimos a fariña e a levadura, remexendo con un garfo ata que non haxa grumiños. 

Tapamos con papel film e deixamos repousar durante media hora mais ou menos. Despois deste tempo, a masa de seguro estará un pouco máis espesa. Remexémola un pouco para asegurarnos de que non quedan grumos no fondo.

Poñemos unha tixola ao lume, e cando o aceite estea quente, botamos porcións da masa con axuda dunha culler. As chulas estarán listas cando a masa estea un pouco dourada, así que moito ollo, cociñeiros!

Por último, sacámolas da sartén e poñémolas nun prato a arrefriar.( Podemos poñer papel absorvente na base do prato para eliminar o exceso de aceite.) Cando estean templadas, espolvoreamos o azucre e a larpeirar!

Benvidos ao novo curso!

Xa estamos de volta! E que mellor forma de comezar, que co noso primeiro concurso literario: Contos de terror
Podedes ver as bases do concurso no taboleiro de Normalización, e de seguro que nas vosas clases tamén hai unha copia. Como esta actividade facémola en colaboración co Equipo de Biblioteca, os mellores relatos formarán parte dun libro moi especial, o primeiro feito polos alumnos do cole do xénero de terror. E lembrade o prazo: dende xa mesmo ata o día 25 deste mes.
E por suposto, tamén haberá premios para os mellores.
Sacade as vosas plumas, e a escribir!

Non todo é o que parece

Isto do karaoke e todo un invento, non si? Polo visto a idea foi dos xaponeses, e nese país ten moito éxito! Aquí vos deixamos unha nova canción. Non volo perdades, que o vídeo é moi divertido. A disfrutar!

A festa da dorna

Para todos aqueles que non sepan o que é unha dorna, aquí vos deixamos un par de fotos:


É unha típica embarcación de pesca galega, e aínda que se descoñece a súa orixe, podería proceder das embarcacións viquingas ou dakkar (lembrade que xa falamos delas na festa viquinga de Catoira). Todas levan unha "matrícula", parecida ás dos coches. O primeiro número, se é un 7, indica que a dorna é para uso particular, non para traballar. As letras fan referencia á localidade á que pertencen, seguida doutros tantos números identificativos. A maioría das dornas levan nome de muller, xa que antigamente os mariñeiros pasaban moitos días lonxe da costa, e das súas mulleres.
A festa da dorna celébrase en Ribeira, e atrae a moita xente non solo de Galicia, senon tamén doutras comunidades autónomas e incluso doutros países. Anímovos a que este verán vos acheguedes ata Ribeira, e disfrutedes desta fantástica festa.

Un pouco de música

Xa que nos recreos musicais tiveron tanto éxito algunhas cancións, vamosvos poñer os vídeos que atopemos na rede, a poder ser con versión karaoke, para que as aprendades ben aprendidiñas, que xa sabemos o cantareiros que sodes, lingoretas!
Este primerio vídeo chámase "O sacristán de Basán" ( teño que confesar que este é un dos meus favoritos).
Disfrutádeo!

O chiste da semana

Samhaín

É a festividade celta que máis famosa é hoxe en día. En EE.UU copiaron esta tradición, derivando no Halloween. Pero ollo!! Non é o mesmo. Para eles case é como o seu propio carnaval, mentres que para nós ten que ver co paso dos espíritos ao outro mundo, e para os celtas, a celebración do aninovo. Ilumínase o camiño dos mortos con cabazas, calacús... con candeas acesas dentro. Antigamente, tamén se deixaba comida nos camiños (principalmente froitos de outono) como ofrenda ás ánimas esquecidas ou perdidas.
Aquí tendes o calendario celta:

E aquí varios carteis dos sitios con máis tradición, e como non, un pequeno vídeo deses que tanto vos gustan. Os nosos parabéns aos que argallaron un vídeo tan orixinal! A ver quen aprende a canción!

Gústame!

Seguro que xa víchedes no taboleiro as frases que escolleron os profes sobre o galego. Pois agora tócavos a vós! Tendes que pensar nunha frase que comece con gústame......en galego. Ademáis de colgalos no taboleiro, as frases amosarémolas no blog por medio dun vídeo. Polo de agora, aquí vos deixamos as frases dos profes.

Festa da Arribada

Este fin de semana celebrouse en Baiona a festa da Arribada, que conmemora a chegada dos irmáns Pinzón do Novo Mundo.
Os irmáns Pinzón foron con Colón a descubrir América, e á volta, unha das calaberas, comandada por Martín Sanchez Pinzón,  chegou a Baiona, e alí anunciou o gran descubrimento.
Por iso, tódolos anos se celebra esta feria medieval. Aquí vos deixamos algunhas fotiños. Celebrouse este fin de semana, así que aínda están fresquiñas!

O chiste da semana

Seguramente non entendedes o trasfondo do chiste. Nos pobos existía, (algúns din que aínda existe) a figura do cacique. Chamábase así á persoa que tiña cartos e poder sobre os seus conveciños. Moitas veces facíanlle favores á xente, pero sempre a cambio de algo. E podedes crerme, que os cobraban caros!

Festa da istoria

Si, si, istoria sen h. Pero so porque é o nome da festa, eh?
Esta festa rememora os oficios, tradicións e vivencias da época medieval nesa parroquia.
Agora mesmo hai un montón de festas medievais por Galicia adiante, pero esta é unha das primeiras que se celebrou. Este ano farán xa 25 anos que a celebran!!



E como non, un pequeno vídeo, que moito vos gustan.

Castelao

De seguro que xa escoitáchedes falar deste famoso e polifacético escritor galego. Pero hoxe queriamos ensinarvos un anaquiño da súa faceta como debuxante.

Estes debuxos facían relación á realidade de Galiza naquel tempo no que vivíu Castelao.(O caciquismo, a miseria, a fame...) Aquí vai unha mostra:

Gustouvos? Pois para a semana outro!

Romaría Viquinga

Como xa puidéchedes ver na Casiña de Don Cuco, esta romaría celébrase o primeiro domingo de agosto.
Festexamos o papel de Catoira na defensa de Galicia frente aos piratas chegados de Normandía, que viñan a saquear os pobos, deixando moitos mortos por onde pasaban.

Estas son as Torres do Oeste. Mandáronse construír no S. X, ou para entendernos, alá polo ano 1040. Pois sí que pasou tempo, non si? Servían como torres de vixía para poder divisar aos viquingos cando se achegaban á ría, e así poder dar a voz de alarma nos pobos veciños, e tamén para tentar defenderse.
Os viquingos subían polo río, atacando todos os pobos que atopasen no camiño. Tiñan fama de ser moi sanguinarios, e as xentiñas que daquela vivían por estes lares eran simples labregos, que non tiñan como defenderse deles.

Aquí podedes observar un típico barco viquingo. É moi plano pola base para así poder navegar polo río sen dificultades, e non quedar varado.
E para rematar, un pequeno vídeo sobre esta fantástica festa:

A RAPA DAS BESTAS

Como xa puidechedes ver na Casiña de Don Cuco, este ano a temática é festas populares de Galicia. Que vos parece se facemos un repaso tamén no blog? Por suposto, podedes enviar os vosos comentarios con información adicional sobre o tema.

A RAPA DAS BESTAS
Se cadra é unha das nosas festas máis populares fora de Galicia. Esta tradición ten mooooitos anos. Consiste en baixar do monte aos cabalos unha vez ó ano aos curros para rapalos, marcalos e desparasitalos.


Esta festa celébrase en moitos puntos da nosa terra: Sabucedo, San Cibrán, Cedeira....
Os cabalos son de pura raza galega. Como podedes ver, son mais baixiños que outras razas, e un pouco máis peludos, pero e que no monte vaiche moito frío.


A rapa e a desparasitación é moi importante, porque así evítanse enfermidades. Tamén se aproveita para marcar cun ferro as reses pequenas, para saber a quen pertencen. Aquí vos deixamos este vídeo para que o disfrutedes. Quen sabe, o mellor este anos nos vemos alí.

BENVIDOS

Estreamos blog novo!! Benvidos todos a esta nova aventura. Esperamos que disfrutedes. Pero por suposto, en galego!!